Haha ég er komin aftur!

Ég var svo gjörsamlega búin að steingleyma lykilorðinu mínu og var búin að gefa upp alla von um að komast nokkurn tíma inn á þessa síðu aftur. Svo fór ég í fartölvuna mína og þar er lykilorðið geymt og vola ég er komin inn.

 Nú er næstum því ár síðan ég bloggaði síðast. Margt hefur gerst á þeim tíma.

Ég er búin að missa 6-7 kíló síðan í haust og er hrikalega ánægð með mig. Og hvernig fór ég að? Ég hef alltaf hreyft mig en viðurkenni að mataræðið hefur ekki alltaf verið "under control". Hélt alltaf að ég væri svo heilsusamleg en komst svo að því með því að halda matardagbók að ég var að borða of sjaldan, borða of mikið og nammidagurinn teygðist oft yfir 3 daga

Í stuttu máli tók ég á mataræðinu. Borða reglulega, 5x yfir daginn, passa matarskammtana, hef einn nammidag í viku og er almennt meðvituð um hvað ég er að láta ofan í mig án þess að vera heltekin af þessu.

Svo fór ég á Boot camp námskeið og ómæ hvað það er skemmtilegt og árangurinn lætur ekki á sér standa ef maður mætir á æfingarar og tekur á því.

Það sem er framundan á nýju ári er að halda áfram að æfa vel. Svo er takmarkið að missa ca 4 kíló í viðbót og fara svo í viðhaldið.

Meira síðar

Adios Narnía

 Dagur fjögur í aðhaldi.

Mataræðið er búið að vera upp á 95% þessa vikuna. Mér finnst þetta fara vel af stað hjá mér. Nú er að næst á dagskrá að koma upp nýrri rútínu í æfingunum.

Ég hef verið að skoða síður hjá átaksblggurum og þá meina ég hjá fólki sem hefur náð svakalega fínum árangri. Hefur kannski verið að missa 30,40 eða jafnvel 50 kíló. Það er ekkert smá flott og kostar áreiðanlega mikinn sjálfsaga og ég tala ekki um breytingu á lífstíl. Klapp fyrir því!

Ég hlýt að geta skafið af mér svosem eins og 8 kg.

Narnía - í gírnum.

Enn og aftur er ég mætt með ný fyrirheit.

Ég var að skoða bloggið mitt og komst að því að eftir allt puðið og allar byrjanarnar er ég 2 kílóum léttari en ég var fyrir ári síðan. Hvað á ég að lesa úr því??? Ég er greinilega ekki alveg að meika það.

Ég ætla mér að komast í  kjörþyngd núna. Ég ætla að setja mér lítil markmið og ná 8 kílóum af mér á næstu 6 mánuðum. Það eru ekki nema tæpt 1.5 kíló á mánuði. Þetta er alveg hægt, hef gert þetta áður.

Það sem ég veit að dugar er:
Hugsa og skipuleggja það sem ég ætla að borða yfir daginn.

Passa tímann milli 5-6, þá er ég oft nartandi í eitthvað sem er ekki sniðugt.

Hreyfa mig meira.

Semsagt: borða minna og hreyfa mig meira.

Gangi y kkur vel :-)

Nýjasta "uppdeitið"

Hafði nammidag á laugardaginn án þess að missa mig algjörlega.

Mér finnst ég vera að standa mig alveg ágætlega. Mataræðið er tekið föstum tökum því ég veit að ég kemst ekki 6x í viku í ræktina og þess vegna þarf ég að passa það.

Best að fylla á vatnsbrúsann :-)

Stóð mig líka vel í gær.

Stóðst heljarinnar freistingar. Fékk mér ekki uppáhaldskexið mitt í kaffinu (var á boðstólnum í vinnuni).

Fékk mér ekki siríus súkkulaði sem eiginmaðurinn uppgötvaði  í skápnum.

Komin aftur - sterkari sem aldrei fyrr... hehe.. hvað ætli ég hafi oft byrjað aftur??

Ég ÆTLA að missa 3kg fyrir jólin.Stefni á að verða 80kg.

Og hvernig ætla ég að fara að því???

• Borða minni skammta
• Ekki borða neitt á kvöldin
• Hafa einn nammidag og BARA einn
• Vera áfram dugleg að hreyfa mig.

Fram að jólum eru ekki nema 40 dagar eða 6 vikur. Ég verð alveg hrikalega ánægð ef mér tekst þetta. Þá verður miklu skemmtilegra að borða Machintoshið í jólafríinu

Over and out :-)

Oh. ég er svo hrikalega leið á þessum aukakílópælingum.Mér finnst ég oft hálf klikkuð því ég er ekki að berjarst við tugi kílóa eins og sumir og ég er alltaf að hugsa um þetta.   Ég að tala um 6-8 kg sem ég vil missa.

Ég er aldrei ánægð með það hvernig ég lít út. Læt lærin endalaust fara í taugarnir á mér, finnst maginn bunga út í ákveðnum buxum. Svo finnst mér að ég hafi engan sjálfsaga því ég get þetta ekki. Veit alveg hvað málið er: Mér finnst svo gott að borða!

Ég er reyndar mjög ánægð með líkamlega formið sem ég er í.

Úff, við að skrifa þetta sé ég að ég er náttúrulega ekki alveg í lagi. Ég þarf eitthvað að taka mig í gegn andlega.

Æ, ég þurfti bara að koma þessu í orð.

300g í mínus þessa vikuna. Er sátt á meðan vigtin fer niður á við.

Held bara áfram mínu striki.

Í dag er nammidagur og þá leyfi ég mér smá nammi og rauðvín með matnum.

Á morgun er það svo góður hlaupatúr.

Hafið það gott um helgina.

Ég er ánægð að sjá að enginn sem les síðuna mína þekkir mig. Svoleiðis vil ég hafa það. Ég passa mig líka að skrifa ekkert sem gæti gefið vísbendingu um hver ég er.

Fór í Wc í gær og út að hlaupa í dag. Næsta æfing verður líklega ekki fyrr en á þriðjudag.´

Hlustaði á viðtal við Sigurlínu einkaþjálfara með meiru í þætti hjá Valdísi á Bylgjunni í morgun. Sigurlín kom með marga athyglisverða punkta. Þar á meðal að maður yrðu að hafa viljann til þess að taka til í sínum málum. Ekki fara í átak bara af því að maður þarf þess heldur af því að maður vill það sjálfur. Við þurfum að vilja gera þetta fyrir okkur og engan annan. Mikið til í þessu.

Jæja, ný vika á morgun. Best að fara í háttinn.

Stóðst ekki mátið og fór á vigtina í morgun. (á von á þessu mánaðarlega og þá sveflast vigtin upp).

Þessa vikuna eru farin 700 g :-) Ég er svo glöð!!!

Síðan 29.ágúst er ég búin að missa 1,1kg.

Þetta gengur hægt en nú gengur þetta.

Vigtin skal vera farin meira niður næst. Geri hvað ég get til þess.

Staðan:
Ég er að standa mig mjög vel í mataræðinu.

Drekk fullt af vatni

Er ekki að narta milli mála nema í gulrætur.

Ef það verður ekki árangur á fimmtudaginn þá skal ég hundur heita.

400 g niður frá því fyrir viku síðan. Nú set ég stefnuna á 500g  í næstu viku. Er ekki bara fínt að missa 1/2 kg á viku???

Það er einhvern veginn miklu auðveldara að standast freistingar þegar maður er í vinnunni en í sumarfríi. Það er líka yfirleitt svo hrikalega óspennandi matur í vinnunni hjá mér að ég neyðist til að taka með mér nesti. (Þið ættuð bara að vita ógeðið sem krökkum er boðið upp á skólamötuneytum).

Bæjó, Narnía glaða í dag.

Ég meina það...mér finnst það sjálfri.

Síðasta helgi var sú fyrsta í laaaangan tíma þar sem ég tók ekki nammidagana bókstaflega. Fór í veislu og lét það duga sem sætindi helgarinnar. Mikið svakalega var ég ánægð með mig.